قصيدة اعجبتني ...؟

يـا صانـع المكيـاج الله يجـازيـك خليتني مخـدوع فـي شكـل خلـي
يالله يحـرق مصنعـك مـع مبانيـك والمعرض الموجـود في بيكاديلي
ادعي عسى تعمىوتنشـل رجليـك هـذا دعائـي دوم لا جيـت اصلـي
خليتني اركـض ورا البنت هاذيـك واشوفها اجمل غـرام ٍ حصـلـي
قلبي عشقها يا(جيفنشي) توماتيك وان لشافها قلبـي يرحـب يهلـي
هي رحبت بـي وقالـت الله يحييـك وقالت هلا باللي عشق زيـن شكلـي
وقالت انا اجمل بنت في اللي حواليك شف حسني الاخاذ وروجي العسلّـي
طالعتها ثـم قلـت هالقلـب يبغيـك ومن شاف حسنك خلى غيرك يولـي
أبغي اشوفـك دون مكيـاج يكسيـك وابغـي اشوفـك بالجمـال المحلـي
قالت تبينـي افـرك الوجـه تفريـك واشيل هالبـودر وروجـي وكحلـي
قلت أي نعم قومي عسى الروح تفديك ابغـي جمالـك هالطبيعـي يهـلّـي
قالت دقايق راجعـه لـك واراويـك ذاك الجمـال اللـي لعينـك يسـلّـي
ويوم رجعت لي شربكتني الشرابيـك وحسيت الارض تدور وانـا بمحلـي
الخد كنه يا جيفنشـي سيراميـك والوجه شارع مثـل شـارع حولـي
الوجـه كنـه بيـت كلـه شبابيـك من هالحفرفي وجهها اللـي يعلّـي
كلـه سبـب مكياجـك الله يجازيـك خليتني مخـدوع فـي شكـل خلـي
ونصيحتي لكل شاب من غير تشكيك لا اتسـرع ثـم تنغـش مثـلـي
اللـي بـلا مكيـاج خلهـا حواليـك واللـي تحـط مكيـاج خلهـا تولـي